MBA finance - case study - 奧瑪仕 0959
From : Apple Daily / 22-08-2006 金 手 指 -孫 柏 文
今 日 有 段 新 聞 ， 幫 孫 柏 文 勾 起 左 唔 少 回 憶 。 呢 段 新 聞 就 係 有 關 濠 賭 股 熱 潮 當 中 ， 最 「 神 話 」 的 959 奧 瑪 仕 。 而 呢 段 新 聞 對 讀 緊 MBA 同 埋 讀 緊 finance 的 朋 友 ， 真 係 好 好 的 case study 。
奧 瑪 仕 段 新 聞 ， 係 講 話 佢 地 又 有 人 用 張 「 可 換 股 票 據 」 去 換 股 票 。 換 股 人 只 要 用 張 可 換 股 票 據 加 20 萬 港 元 ， 就 可 以 換 取 相 等 於 在 奧 瑪 仕 換 股 一 刻 ， 5% 的 股 權 。 如 果 換 股 的 一 刻 ， 奧 瑪 仕 總 股 數 量 有 10000 股 ， 拿 張 可 換 股 票 據 加 20 萬 港 元 ， 就 可 以 換 500 股 。 如 果 同 一 日 換 兩 張 ， 第 一 張 可 以 換 500 股 ， 第 二 張 就 可 以 換 10500 股 5% ， 即 係 525 股 ， 總 股 數 真 係 幾 何 咁 上 。
大 家 如 果 取 噚 日 奧 瑪 仕 公 司 的 通 告 ， 淨 係 睇 下 個 股 數 郁 動 表 ， 就 會 睇 到 股 數 係 由 7 千 幾 萬 股 ， 升 至 噚 日 的 53 億 股 。 真 係 好 勁 ！ 當 然 ， 如 果 你 話 總 股 數 上 升 係 因 公 司 將 股 票 拆 細 ， 以 前 每 有 一 股 ， 今 日 就 75 股 ， 我 都 會 無 話 可 說 ， 不 過 奧 瑪 仕 發 的 新 股 就 唔 係 因 拆 細 而 上 ， 而 係 畀 左 人 。
呢 D 可 換 股 票 據 ， 係 於 2004 年 3 月 31 日 ， 當 奧 瑪 仕 仲 係 間 一 沉 百 踩 的 電 子 公 司 的 時 候 發 出 。 一 發 就 發 72 張 ， 如 果 可 換 股 票 據 全 數 行 使 ， 奧 瑪 仕 的 股 本 就 擴 大 33 倍 （ 股 本 x1.05^72 ） 。 當 然 ， 由 發 出 可 換 股 票 據 果 日 到 今 天 ， 奧 瑪 仕 的 股 本 擴 大 左 唔 止 33 倍 ， 因 為 佢 地 有 試 過 一 次 以 一 股 送 一 股 當 派 發 股 息 ， 又 要 發 幾 億 股 去 「 換 」 位 於 澳 門 「 希 臘 神 話 賭 場 」 的 股 份 ， 不 過 總 股 數 上 升 的 最 大 理 由 就 一 定 係 呢 D 可 換 股 票 據 。
大 家 可 能 會 問 ： 「 點 解 有 人 去 奧 瑪 仕 換 股 ， 係 一 個 好 好 的 case study ？ 」 問 得 好 ！ 原 因 奧 瑪 仕 的 可 換 股 票 據 ， 由 決 定 發 出 到 被 人 換 股 都 係 企 業 融 資 的「 巔 峰 之 作 」 。 首 先 ， 每 一 次 有 人 換 股 ， 佢 換 來 的 股 數 就 會 剛 剛 低 過 要 公 布 總 股 數 的 5% （ 500 股 /10500 股 =4.76% ） ， 所 以 只 要 一 張 一 張 咁 換 ， 就 可 以 神 不 知 鬼 不 覺 。
證 明 特 區 財 技 幾 咁 高
而 持 票 據 的 人 ， 開 始 時 的 確 以 非 常 低 調 的 姿 態 換 股 。 不 過 ， 正 當 奧 瑪 仕 成 功 變 身 為 一 間 豪 賭 概 念 股 的 時 候 ， 港 交 所 對 佢 地 披 露 出 通 告 的 要 求 就 忽 然 高 左， 要 奧 瑪 仕 通 知 其 他 股 東 有 人 換 股 。 不 過 如 果 大 家 睇 下 佢 地「 第 一 代 」 關 於 有 人 換 股 之 通 告 ， 睇 落 去 仲 好 似 係 好 消 息 。 因 為 奧 瑪 仕 永 遠 將 焦 點 放 在 每 一 次 換 股 得 來 的 20 萬 元 ， 話 又 再 次 「 成 功 增 加 公 司 資 本 」 ， 唔 信 你 可 以 去 港 交 所 網 站 睇 睇 。
到 05 年 初 ， 持 票 據 的 人 換 股 速 度 係 快 到 連 Bloomberg 機 都 跟 唔 住 ， 經 常 報 細 股 數 ， 如 果 你 當 年 拿 希 臘 神 話 賭 場 提 供 的 盈 利 預 測 去 計 奧 瑪 仕 每 股 應 佔 盈 利 ， 咁 就 中 左 招 。
不 過 到 今 時 今 日 ， 奧 瑪 仕 換 股 的 情 況 就 清 晰 好 多 ， 起 碼 依 家 的 通 告 會 提 供 一 個 「 一 目 了 然 」 、 小 股 東 如 何 被 溝 淡 表 。 根 據 噚 日 張 表 ， 奧 瑪 仕 仲 有 10 張 可 換 股 票 據 未 換 股 ， 而 呢 10 張 票 據 仲 可 以 換 多 40 幾 億 股 ， 真 係 仲 有 排 換 。
所 以 ， 各 位 想 做 企 業 融 資 銀 行 家 的 朋 友 ， 最 好 就 係 讀 熟 959 奧 瑪 仕 呢 個 可 以 證 明 我 地 特 區 財 技 幾 咁 高 明 的 case study 啦 ！
posted by Spider-Man @ 11:09 PM
0 comments
